Yanga italazimika kusaka matokeo Sudan baada ya kulazimishwa sare ya bao 1-1 dhidi ya Al Hilal katika mchezo wa mkondo wa kwanza ligi ya mabingwa uliopigwa uwanja wa Benjamin Mkapa
Fiston Mayele aliifungia Yanga bao muhimu la uongozi kwenye kipindi cha pili lakini makosa katika safu ya ulinzi yakaigharimu Yanga kwa kuwaruhusu Al Hilal kufunga bao ambalo ni faida kwao
Mlinda lango Djigui Diarra leo alifanya kazi nzuri katika nyakati tofauti kwa kuhakikisha Hilal hawapati bao la pili licha ya nafasi nyingi walizotengeneza
Kocha Mkuu wa Yanga Nasreddine Nabi ana kazi ya kufanya kurekebisha ili kuhakikisha Yanga inaweza kupata matokeo Sudan
Kikosi chake leo kilikuwa na changamoto katika kuzuia mashambulizi ya kushitukiza ambapo timu ilishambulia vizuri lakini wachezaji walichelewa kurudi kuzuia
Hii ni Ligi ya mabingwa, bado Yanga ina nafasi ya kufanya vizuri huko Sudan
