Afisa Habari wa klabu ya Yanga Ali Kamwe amewahakikishia wapenzi na wanachama wa timu hiyo kuwa wana nafasi nzuri ya kutinga hatua ya makundi ligi ya mabingwa kwa kupata ushindi dhidi ya Al Hilal kutokana na ubora wa kikosi chao
Katika mahojiano na Wasafi Fm, Kamwe amesema Wananchi hawapaswi kutishwa na wachambuzi ambao wanatumia historia ya Al Hilal ya miaka ya nyuma pasipo kuangalia ubora wa timu zote kwa wakati huu
"Sisi tunawaheshimu Al Hilal kwa historia yao lakini nasema kwa wakati huu tuna timu nzuri kuliko wao. Ukiangalia bado wanahangaika kujenga timu yao lakini sisi tumeshalifanya zoezi hilo misimu minne iliyopita"
"Tumecheza mechi 41 mfululizo ligi kuu pasipo kupoteza mchezo, kama wangekuwa Al Hilal ndio wana rekodi hii basi pengine vitisho kwa Yanga ingekuwa zaidi"
"Tunajua jambo pekee wanalojivunia ni vurugu za mashabiki wao nje ya uwanja, sasa sisi tumejipanga tutawaonyesha kuwa tuna wazimu wa soka kuliko wao. Kesho tutazungumza na wanahabari kuweka mkakati wa mchezo huo. Mechi itachezwa saa kumi lakini tutahakikisha mpaka saa sita mchana uwanja umejaa na tutacheza na kuimba tukiwasubiri uwanjani," alisema Kamwe
