Kikosi cha Yanga kinaendelea na mazoezi makali Avic Town kujiandaa na michezo inayofuata dhidi ya Ruvu Shooting na Al Hilal
Mchezo dhidi ya Ruvu Shooting utapigwa Oktoba 03 katika uwanja wa Uhuru, utakuwa kipimo cha kwanza kuelekea mchezo wa ligi ya mabingwa dhidi ya Al Hilal ambao utapigwa Oktoba 08
Wananchi wanapiga kazi kwelikweli pale Avic Town, hesabu kali zikipigwa kuelekea mchezo dhidi ya Al Hilal lengo likiwa kutinga hatua ya makundi ya michuano ya ligi ya mabingwa
Jana Yanga ilicheza mechi ya kirafiki dhidi ya Eagle Fc ukiwa ni sehemu ya program ya mazoezi, mchezo wa ndani ukipigwa Avic Town, Wananchi wakiibuka na ushindi wa mabao 4-1
Fiston Mayele akiendeleza kasi yake ya kuzifumania nyavu akifunga mabao mawili, Joyce Lomalisa na Ibrahim Bacca wakifunga mengine mawili
