Wananchiiiiiiii.. Oktoba 08 ni siku muhimu kwa klabu ya Yanga, mchezo wa mkondo wa kwanza ligi ya mabingwa dhidi ya Al Hilal utapigwa uwanja wa Benjamin Mkapa
Ni siku muhimu kwa sababu Yanga inahitaji kupata ushindi mnono siku hiyo ili kujiweka katika nafasi nzuri ya kutinga makundi ligi ya mabingwa barani Afrika
Ni takribani miaka 24 imepita tangu Yanga icheze makundi ya ligi ya mabingwa, msimu huu Wananchi wana nafasi ya kurejea katika hatua hiyo kibabe
Kikosi bora, benchi bora la ufundi, uongozi bora na mashabiki bora! Huu ni mwaka wa Wananchi
Mhamasishaji wa mashabiki wa Yanga Haji Manara ametangaza kauli mbiu itakayotumika kuelekea mchezo huo, IWE JUA, IWE MVUA
Yanga itakuja na utaratibu maalum kwa ajili ya mashabiki ambao wataingia uwanjani kwa kazi maalum ya kushangilia na sio kutazama mpira tu
Wewe Mwananchi ambaye unahitaji kuona anga inatinga makundi msimu huu unapaswa kuwa tayari kuingia uwanjani KUSHANGILIA
Yanga pia imejipanga kwenda na mashabiki wake kwenye mchezo wa marudiano kule Sudan, uongozi umeahidi kutangaza utaratibu wa safari mapema
Ni hivi, IWE JUA, IWE MVUA lazima kieleweke...!
