Huko mitandaoni maandiko ya kuipamba Al Hilal yanaendelea kushika kasi baada ya kupangwa kucheza na Yanga katika raundi ya kwanza ya michuano ya ligi ya mabingwa
Jana Al Hilal walipata ushindi wa bao 1-0 dhidi ya St George na hivyo kutinga raundi ya kwanza kwa faida ya bao la ugenini baada ya matokeo ya sare ya mabao 2-2 dhidi ya St George
Maandiko hayo yana lengo ya kuitisha/kuikatisha tamaa Yanga kuelekea mchezo dhidi ya timu hiyo
Mechi ya mkondo wa kwanza itapigwa Oktoba 08 na mchezo wa marudiano ni Oktoba 14
Jambo moja la uhakika ni kuwa Yanga imejipanga sawasawa kufanya vizuri kwenye michuano ya ligi ya mabingwa msimu huu
Ushindi wa mabao 9-0 dhidi ya Zalan Fc ni ishara ya dhamira ya Wananchi kuelekea michuano hiyo
Najua watasema Zalan Fc ni dhaifu lakini hata hao wanaowapamba kila siku wameshaonja kipigo cha Yanga msimu huu
Wananchi msitishwe na hizo makala kwani Yanga hii ya Profesa Nabi inaweza kumfunga yeyote hapa Afrika
Historia haichezai mpira, hayo mambo yaliyopita hayana nafasi kwa sasa, muhimu ni maandalizi tu
Tuliwaona St George walipokuja kucheza na Simba hapa Tanzania, wakafungwa mabao 2-0 na pia tuliwaona Al Hilal walipocheza na Simba kule Sudan wakashinda 1-0
Al Hilal wamelazimika kufuzu kupitia bao la ugenini dhidi ya St George, halafu hawa ndio muwatishie Yanga kweli?
