Kocha Mkuu wa Yanga Nasreddine Nabi ameeleza kufurahishwa na urejeo wa winga Tuisila Kisinda aliyejiunga na Yanga akitokea klabu ya RS Berkane
Yanga ilimuuza Kisinda RS Berkane klabu aliyoitumikia kwa msimu mmoja kabla ya Yanga kumrejesha siku ya mwisho ya dirisha la usajili August 31 2022
Nabi amesema Kisinda ataongeza kitu katika kikosi chake akiamini kuwa ataendeleza ubora wake aliokuwa nao kabla ya kuondoka Yanga
"Nimefurahi Kisinda kurejea Yanga, ni mchezaji mzuri ambaye ataongeza ubora katika kikosi. Naamini ataendeleza ubora wake aliokuwa nao kabla ya kuondoka," alisema Nabi
Akizungumzia maandalizi ya kikosi chake kuelekea mchezo wa ligi ya mabingwa dhidi ya Zalan Fc, Nabi amesema pamoja na wachezaji wake kukabiliwa na uchovu, wako tayari kwa mchezo huo
"Tumecheza mechi mfululizo, jambo hili limetuletea maumivu na uchovu. Kuna baadhi ya wachezaji kama Khalid Aucho, Morrison, Djuma Shaban hatutaweza kuwatumia kutokana na majeraha waliyopata"
"Hata hivyo Yanga ni klabu kubwa na muhimu zaidi wachezaji wanafahamu wanacheza michuano mikubwa ya ligi ya mabingwa. Watakuwa tayari kupambana kuhakikisha tunapata matokeo mazuri"
