Yanga yasaini mkataba na Jackson Group

Klabu ya Yanga imetangaza kuingia mkataba na Jackson Group Company kampuni inayohusika na masuala ya masoko (Marketing)

Mkataba huo wa miaka miwili umelenga kuinufaisha Yanga kwenye Marketing na Branding huku ukifungua fursa zaidi kwa wawekezaji na wadhamini.

Jackson Group wamewahi kuwezesha dili la Kampuni ya Vodacom kuidhamini ligi kuu Tanzania bara pia wakiwahi kushirikiana na klabu za nje ya nchi kama Arsenal, Hull City na hata hapa Tanzania

Mkataba huo utaifanya Jackson Group kuhusika katika michakato ya kusaka wadhamini na wawekezaji ambao watakuja kuwekeza Yanga pale mchakato wa Uwekezaji utakapokuwa umeanza rasmi

Yanga itauza hisa asilimia 49 kwa wawekezaji na asilimia 51 zikibaki kwa Wanachama