Kocha Mkuu wa Yanga Nasreddine Nabi huenda leo akafanya mabadiliko ya kikosi chake kitakachoikabili Polisi Tanzania katika mchezo wa ligi kuu ambao utapigwa uwanja wa Sheikh Amri Abeid
Katika mchezo wa Ngao ya Jamii uliopigwa siku ya Jumamosi ya Yanga kuibuka na ushindi wa mabao 2-1, Nabi hakuwatumia baadhi ya nyota wake wapya
Mlinzi wa kushoto Joyce Lomalisa, kiungo Gael Bigirimana na Lazarus Kambole hawakuwa sehemu ya mchezo huo
Lomalisa na Bigirimana wanaweza kuwa sehemu ya kikosi leo wakati Kambole akiendelea kuimarika kutoka kwenye majeraha aliyopata kwenye mchezo wa kirafiki dhidi ya Namungo Fc
Nahodha Bakari Nondo Mwamnyeto ambaye alicheza kwa dakika chache Jumamosi huenda nae akarejea kwenye safu ya ulinzi wakati safu ya ushambuliaji Fiston Mayele na Stephane Aziz wao wataendeleza pale walipoishia kwenye mchezo dhidi ya Simba
Mawinga Bernard Morrison na Jesus Moloko ndio walibadilisha mchezo dhidi ya Simba kwenye kipindi cha pili
Leo huenda wakaanza pamoja katika mchezo huo ambao Yanga imedhamiria kushinda ili kuanza vyema msimu wa kusaka ubingwa wa 29
Nabi alitua Arusha jana akiwa na kikosi chake kamili tayari kusaka ushindi muhimu katika mchezo utakaopigwa saa 10 jioni
