Kocha wa zamani wa timu za Mamelodi Sundowns, Al Ahly na timu ya Taifa ya Afrika Kusini Pitso Mosemane, anatarajiwa kutua nchini siku ya Ijumaa kuhudhuria kilele cha wiki ya Mwananchi
Rais wa Yanga Injinia Hersi Said alimualika Mosimane kushuhudia tukio hilo kubwa kabisa la michezo hapa Tanzania
Mosimane alivutiwa na 'parade' ambayo walifanya Yanga baada ya kutwaa ubingwa wa ligi kuu, imekuwa rahisi kwake kukubali mwaliko kushuhudia wiki ya Mwananchi
"Ijumaa tutampokea mtu mashuhuri na maarufu sana katika soka la Afrika. Ulikuwa mwaliko wangu binafsi, tuna furaha ameridhia kuwa nasi katika siku hii ya furaha kwetu,"alisema Hersi
Yanga itapokea wageni wengi kutoka mataifa mbalimbali ambao wameomba kuja kushuhudia, na wengine kujifunza vile Wananchi wanafanya jambo lao
