Wakati akirejeshwa kwenye kikosi cha Yanga msimu uliopita, mashabiki walikuwa na matumaini makubwa kwa mshambuliaji Heritier Makambo
Hata hivyo ni kama mambo hayakwenda vizuri kwa upande wake. Alianza mchezo wa wiki ya Mwananchi na ligi ya mabingwa akiwa mshambuliaji namba moja lakini baada ya msimu kuanza, nafasi yake ikachukuliwa na Fiston Mayele
Katika msimu uliopita Makambo alifunga mabao sita. Alikuwa kinara wa mabao katika kikosi cha Yanga kwenye michuano ya kombe la FA akipachika mabao manne na kwenye ligi alifunga mabao mawili tu
Katika msimu ujao, atakuwa na nafasi nyingine kurejesha imani ya mashabiki wa Yanga ambao wanamkubali sana
Makambo alijitengenezea ufalme katika msimu wa 2018/19, akifunga mabao 22 katika mashindano yote
Sasa atakabiliana na ushinda sio kutoka kwa Mayele tu, pia kuna Lazarus Kambole ambaye amesajiliwa katika dirisha hili akitokea klabu ya Kaizer Chiefs
Kama washambuliaji wote watakuwa katika ubora wao, kwa hakika nyavu za timu pinzani zitachakaa!
