Klabu ya Yanga imesaini mkataba mpya wa udhamini na kampuni ya Sportpesa, mkataba ukiwa wa miaka mitano
Msemaji wa Yanga Haji Manara amesema wamesaini mkataba mnono zaidi ya ule wa awali ambao ulimalizika mwezi May 2022
"Ni kweli tunaendelea na udhamini wa SportPesa, wameongeza mzigo, taarifa rasmi itatolewa na pande zote mbili (Sportpesa na Yanga) "
"Tumepata mkataba mnono kuliko klabu yoyote, ni mkataba halisi, kwani sisi hatuna tabia ya kuongeza sifuri mbele kama wale wengine, "Manara alitamba
Katika mkataba uliopita, Yanga ilikuwa ikivuna takribani Tsh Bilioni 1 kwa msimu
Hivi karibuni Simba walimtangaza mdhamini wao nmpya kampuni ya M-Bet wakiachana na Sportpesa baada ya mkataba kumalizika
Mwaka 2017, Yanga na Simba zilisaini mikataba ya miaka mitano kudhaminiwa na SportPesa
