Baada ya miaka mitano ya Udhamini wa Sportpesa, klabu ya Yanga inatarajiwa kusaini mkataba mwingine wa miaka mitano kuendelea na udhamini wa kampuni hiyo
Mapema leo klabu ya Simba ambayo pia ilikuwa ikidhaminiwa na Sportpesa, ilitangaza kusaini mkataba wa miaka mitano na M-Bet kuwa wadhamini wakuu wa klabu hiyo
Mkurugenzi wa Utawala SportPesa Abbas Tarimba, amesema Mkataba ambao watasaini na Yanga utaweka rekodi kwani hakuna klabu yoyote hapa Tanzania iliyowahi kupata mkataba wa aina hiyo
"Ni kweli mkataba tuliosaini awali umemalizika, Hivi karibuni tutaingia mkataba mwingine mkubwa zaidi na wa kihistoria na klabu ya Yanga SC, ambao haujawahi kuingiwa na klabu yoyote," alisema Tarimba
Katika mkataba uliopita, Yanga ilikuwa ikipokea takribani Tsh Bilioni 1 kila mwaka kutoka SportPesa
Ni wazi katika mkataba huo mpya dau litaongezeka nnmara dufu...!
