Wagombea wa nafasi mbalimbali za uongozi ndani ya klabu ya Yanga, wamehitimisha kampeni zao leo tayari kwa uchaguzi Mkuu ambao utafanyika kesho Jumamosi ukumbi wa Kimataifa wa Mikutano Mwalimu Julius Nyerere
Mgombea pekee wa nafasi ya Urais Injinia Hersi Said mpaka sasa ana zaidi ya asilimia 90 kuwa Rais wa klabu ya Yanga, Wanachama wa Yanga wanatambua kazi kubwa aliyofanya hata kabla ya kufikiria kuwania nafasi hiyo ya juu ya uongozi wa Yanga
Arafat Haji ndiye anayepigiwa chapuo kuwa Makamu wa Rais kwa kuwa amefanya kazi bega kwa bega na Injinia Hersi katika kipindi cha miaka miwili iliyopita
Arafat anachuana na Mwanamama Suma Mwaitenda, Mjumbe wa Kamati ya Utendaji anayemaliza muda wake
Hata hivyo kitendo cha Mwaitenda kupigiwa kampeni na Meneja wa Habari na Mawasiliano klabu ya Simba Ahmed Ally pamoja na Mchambuzi Jemedari Said ni kama kimewapunguzia imani Wanachama wengi kwake
Kesho Wanachama wa Yanga watakuwa na kazi rahisi tu ya kuwachagua Hersi na Arafat kuwa viongozi wao lakini ushindani mkali unatarajiwa kwenye nafasi tano za Wajumbe wa Kamati ya Utendaji
