Uchaguzi Mkuu Yanga sasa ni Julai 09

Mwenyekiti wa Kamati ya Uchaguzi Malangwe Mchungahela ametangaza Uchaguzi Mkuu wa Yanga ambao ulipangwa kufanyika Julai 10, sasa utafanyika Julai 09

Mchungahela amesema mabadiliko hayo yametokana na taarifa ya Baraza Kuu la Waislam (BAKWATA) kutangaza kuwa Julai 10 ni sikukuu ya Eid Al Haji

Kampeni za uchaguzi zimefunguliwa rasmi leo na zitafika tamati Julai 08

Mchungahela pia ametangaza kurejeshwa kwenye kinyang'anyiro cha uchaguzi Mustapha Himba anayewania Ujumbe Kamati ya Utendaji baada ya kushinda rufaa yake

Matawi ambayo hayakuwa yamekamilisha michakato ya uchaguzi yanapaswa kuwasilisha orodha ya wajumbe watano ambao watashiriki uchaguzi

Matawi ambayo hayatawasilisha majina mapema, wajumbe wake hawataruhusiwa kupiga kura