Tukio la sherehe za ubingwa lililofanywa na Yanga jana sio kwamba lilisimamisha jijini la Dar es salaam pekee, bali hata Afrika ilitikisika na dunia nayo ikafahamu kuna jambo linafanywa na Wananchi huko Tanzania
Pongezi za kocha Pitso Mosemane na hata ujumbe walioweka CAF katika kurasa zao rasmi za mitandao ya kijamii kuhusu tukio hilo, imedhihirisha ni kwa kiasi gani Wananchi wamefanya kitu cha kipekee
Msemaji wa Yanga Haji Manara aliahidi kuwa Yanga itawafundisha wengine hapa Tanzania vile wanapaswa kusherehekea ubingwa lakini somo hilo limekwenda Afrika nzima!
Wengi wameshangazwa na bila shaka kuanzia msimu ujao tunaweza kuona matukio hayo yakifanyika katika nchi nyingine barani Afrika
Wananchi wameweka alama kwa kuwaonyesha wengine kuwa hata Afrika tunaweza kuandaa matukio makubwa ya kufurahia mataji tunayoshinda kama wafanyavyo Ulaya
Kwa mara nyingine Yanga imedhihirisha kwa vitendo UKUBWA wake na vile mashabiki wake walivyo na mapenzi ya dhati kwa timu yao
