Jana Chico Ushindi alifunga bao lake la kwanza msimu huu katika mchezo dhidi ya Coastal Union ambao Yanga ilitwaa ubingwa baada ya kuibuka na ushindi wa mabao 3-0
Ilikuwa krosi murua kutoka upande wa kulia kutoka kwa Fiston Mayele, Chico akapiga 'diving header' na kuujaza mpira kimiani kuihesabia Yanga bao la pili
Ni majeraha tu ambayo yamewanyima raha Wananchi kumshuhudia mshambuliaji huyo aliyetua dirisha dogo akitokea TP Mazembe
Nakumbuka katika moja ya mahojiano yake wakati mashabiki wakihoji kwa nini haonekani, kocha mkuu wa Yanga Nasreddine Nabi alisema yeye anamfahamu vizuri Chico, majeraha ndio changamoto pekee inayomfanya asionekane lakini akiwa fit kwa asilimia 100, ni mchezaji mzuri
Ushindi ana assist mbili na bao moja katika ligi kuu licha ya kuwa hana dakika nyingi sana uwanjani
Ni mchezaji anayeonyesha kuwa na kitu mguuni, chini ya Nabi ni wazi ataendelea kuimarika zaidi
