Klabu ya Yanga leo inatarajiwa kutambulisha mchezaji mmoja wa kigeni ambaye usajili wake tayari umekamilika
Msemaji wa Yanga Haji Manara amesema kabla ya mchezo wa ligi kuu dhidi ya Coastal Union ambao utapigwa uwanja wa Benjamin Mkapa kuanzia saa mbili na nusu usiku, watatambulisha mchezaji mmoja
"Mimi ndo msemaji rasmi wa Yanga, nasema hivi leo saa 12:30 jioni kupitia mitandao yetu tutamtambulisha mchezaji wetu mpya wa Kimataifa," alitamba Manara
Katika hatua nyingine Manara amesema Yanga tayari imekamilisha usajili wa nyota wa kigeni kilichobaki ni kutambulishwa tu
Baadhi ya wachezaji hawawezi kuwatambulisha sasa kwa sababu bado mikataba yao haijamalizika katika timu wanazozitumikia
Manara ameweka msisitizo kuwa usiku wa Juni 28 2022 watakata mzizi wa fitina kuhusu usajili wa Stephan Aziz Ki
