Licha ya kuwepo majina makubwa kwenye kinyang'anyiro cha kuwania nafasi ya Rais wa klabu ya Yanga, anayezungumzwa zaidi ni mtu mmoja tu, Injinia Hersi Said
Baada ya tetesi kuwa Mjumbe huyo wa Kamati ya Mashindano angejitosa kugombea, jana jioni saa chache kabla ya muda wa kurejesha fomu kutimia, Mzee Mohammed Msumi akiongozana na Makamu Mwenyekiti wa Yanga Fredrick Mwakalebela wakawasilisha fomu ya Injinia Hersi
Lilikuwa tukio lililopokewa kwa shangwe na nderemo na mashabiki wa Yanga
Hersi amejijengea heshima ya kipekee tangu alipoingia katika harakati za kuisaidia Yanga
Alitambulishwa kwa mara ya kwanza na GSM baada ya lile tukio la Kubwa Kuliko, GSM wakichangua Tsh Milioni 300
Baadae GSM wakashinda zabuni ya kutengeneza na kusambaza jezi za Yanga, hapo ndipo Hersi akaanza kufahamika
Hersi akawa msimamizi wa miradi yote iliyokuwa ikifanywa na GSM kwa klabu ya Yanga kwa mujibu wa makubaliano
Jina la Hersi likaanza kuchomoza kwenye michakato ya usajili msimu uliopita akisafiri DR Congo kuwanunua Mukoko Tonombe na Tuisila Kisinda kunako klabu ya AS Vita
Ni katika msimu huo Hersi alisimamia usajili wa wachezaji kama nahodha Bakari Nondo Mwamnyeto, Kibwana Shomari, Farid Mussa, Yacouba Songne, Haruna Niyonzima na wengineo
Msimu uliopita akafanya mambo makubwa zaidi kwa kumleta Mtendaji Mkuu Senzo Mazingisa akitokea klabu ya Simba pia akiwaleta akina Fiston Mayele, Yannick Bangala, Djigui Diarra, Djuma Shabani, Khalid Aucho, Jesus Moloko, Heritier Makambo bila ya kumsahau Salum Abubakar 'Sure Boy'aliyetua kwenye usajili wa dirisha dogo
Ni usajili ulioleta mafanikio makubwa msimu huu kwani Wananchi wanakwenda kutwaa ubingwa wa ligi kuu baada ya kuukosa kwa misimu minne
Yanga pia imetinga fainali ya michuano ya kombe la Shirikisho la Azam wakiwa pia wametwaa Ngao ya Jamii
Lakini kubwa zaidi ni kusimamia mchakato wa mabadiliko ya mfumo wa uendeshaji sasa Yanga ikianza kunufaika na matunda ya mabadiliko hayo juzi wakitangaza kukusanya Tsh Bilio 1.07 katika kipindi cha miezi sita tu
Hersi ameipambania Yanga, shukrani nyingi zitakwenda kwa GSM ambao ndio waliowezesha yote aliyoyafanya
Haishangazi kuona Mashabiki na Wanachama wamefurahi baada ya Hersi kuchukua fomu na hakuna shaka ATASHINDA
