Timu ya Taifa ya Tanzania 'Taifa Stars' imefanikiwa kuondoka na alama moja muhimu huko Benin baada ya kulazimisha matokeo ya sare ya bao 1-1 dhidi ya Niger katika mchezo wa kuwania tiketi ya kufuzu michuano ya Afcon 2023
Tanzania ilitangulia kupata bao la kuongoza kwenye dakika ya kwanza kupitia kwa George Mpole ambaye alimalizia mpira uliotemwa na mlinda lango wa Niger baada ya shuti la Saimon Msuva
Niger walirejea mchezoni kwenye dakika ya 26 wakisawazisha bao hilo kupitia kwa mshambuliaji wao hatari Sosah
Pamoja na Niger kumiliki mchezo kwa muda mwingi, Stars walikuwa hatari zaidi kwenye mashambulizi ya kushitukiza Kibu Denis akikaribia kufunga bao la ushindi kama shuti lake kugonga mwamba baada ya mlinzi wa Niger kufanya makosa kwa kumrudishia mlinda lango wake pasi fupi
Ni alama moja muhimu kwa Tanzania kuelekea mchezo wa pili dhidi ya Algeria ambao utapigwa Juni 08 katika uwanja wa Benjamin Mkapa
