Yanga kuanza mawindo ya Coastal Union leo

Baada ya mapumziko ya siku nne, Yanga inatarajiwa kurejea mazoezini leo kuanza maandalizi ya mchezo wa ligi kuu dhidi ya Coastal Union ambao utapigwa Juni 15 katika uwanja wa Benjamin Mkapa

Wachezaji ambao hawana majukumu kwenye timu za Taifa watajifua chini ya Kocha Mkuu Nasreddine Nabi

Yanga inahitaji alama tatu tu ili kutwaa ubingwa wa ligi kuu msimu huu

Ushindi katika mchezo dhidi ya Coastal Union ni matokeo ambayo yatatosha kuihakikishia Yanga ubingwa huo

Yanga ni kama itacheza mechi mbili za fainali na Coastal Union kwani mchezo wa ligi kuu Juni 15 utakuwa kama fainali

Julai 02 Yanga itaumana tena na Coastal Union kwenye mchezo wa fainali kombe la Shirikisho la Azam (ASFC) utakaopigwa uwanja wa Sheikh Amri Abeid, Arusha