Wachezaji 10 Yanga katika majukumu ya timu za Taifa

Wachezaji wa Kimataifa Djigui Diarra, Khalid Aucho na Djuma Shabani wamesafiri kwenda kujiunga na timu zao za Taifa

Diarra amejumuishwa timu ya Taifa ya Mali, Aucho (Uganda) na Djuma (DR Congo) kwa ajili ya mechi za kuwania kufuzu fainali za Afcon 2023

Wachezaji 10 wa Yanga watakuwa katika majukumu ya timu za Taifa katika kipindi hiki cha mapumziko michuano ya Kimataifa

Nyota wengine saba wamejumuishwa kwenye timu ya Taifa ya Tanzania 'Taifa Stars' ambayo kesho Alhamisi itasafiri kuelekea Benin kwa ajili ya mchezo dhidi ya Niger ambao utapigwa Juni 04

Wachezaji hao ni Aboutwalib Mshery, Kibwana Shomari, Farid Mussa, Dickson Job, Bakari Mwamnyeto, Feisal Salum na Salum Abubakar 'Sure Boy'