Mtendaji Mkuu wa Yanga, Senzo Mazingisa amesema umekuwa msimu mzuri baada ya kufanikiwa kuwavua taji, Simba huku wakiwafunga mara mbili msimu huu.
Jumamosi iliyopita, Yanga iliichapa Simba bao 1-0 katika mechi ya nusu fainali ya michuano ya Kombe la Shirikisho (ASFC), uliopigwa kwenye Uwanja wa CCM Kirumba, jijini Mwanza.
Senzo ambaye pia amewahi kuwa Mtendaji Mkuu Simba amesema baada ya kuwakosa mara mbili katika Ligi Kuu Bara mechi zote zikiisha kwa suluhu sasa wanaenda kulisaka taji la pili la ASFC kupitia mgongo wa Simba.
"Soka la Tanzania unataka vitu vya namna hii mashabiki wetu walikuwa kila wakati wanaumia wakituambia wanatamani kuona tunawafunga Simba, angalau mechi moja kisha tuchukue ubingwa"
"Hapa nadhani sasa watafurahia kama ambavyo uongozi tunafurahia na wadhamini wetu wote,huu ushindi unaleta nguvu kwetu tukichukua mataji mbele ya ushindi kwao,hapa sasa ubingwa unakuwa mtamu," alisema Senzo
Senzo amesema Yanga haijamaliza kazi watashuka na nguvu kubwa kwenye mchezo wa fainali dhidi ya Coastal Union ili kuhakikisha wanashinda taji hilo.
"Tunaishi katika malengo yetu,tulijipanga kuhakikisha tunashinda hii mechi dhidi ya Simba lakini sasa tumetinga fainali huko sasa tutaingia kwa nguvu zaidi bila kuangalia tunakutana na nani,hii ni fainali lazima iwe na ugumu wake na sio kudharau"
"Tuna wachezaji bora na benchi bora la ufundi chini ya Kocha Nabi (Nasreddine) tutawasikiliza wanachotaka na uongozi tutayafanyia kazi tunalitaka hili komb la pili pia"
Mwanaspoti
