Afisa Habari wa Yanga Hassan Bumbuli amewataka mashabiki wa timu hiyo kujitokeza kwa wingi uwanja wa Benjamin Mkapa siku ya Ijumaa wakati timu yao itakaposhuka dimbani kuikabili Mbeya Kwanza ukiwa ni mchezo wa 25 ligi kuu ya NBC
Bumbuli amesema kikosi kinaingia kambini leo kwa ajili ya kukamilisha maandalizi ya mwisho kuelekea mchezo huo ambao wamedhamiria kuondoka na alama zote
"Mchezo wetu dhidi ya Mbeya Kwanza utapigwa Ijumaa, tunawaomba mashabiki wetu waje kwa wingi kuwaunga mkono wachezaji wetu ambao wanaipigania timu kupata matokeo kwenye kila mchezo huu"
"Timu inatarajiwa kuingia kambini leo kukamilisha maandalizi ya mchezo huu. Hatuna mchezaji majeruhi, Yacouba Songne ndiye mchezaji pekee ambaye ataendelea kukosekana katika michezo iliyobaki kukamilisha msimu huu," alisema Bumbuli
