Wakati mwingine inachekesha sana unapoona mashabiki wa timu inayojinasibu kuwa kubwa zaidi nchini wanashangilia eti mchezaji fulani hajawafunga!
Na wakati huohuo ni hao hao waliokuwa wakimbeza mchezaji huyo kuwa hawamuhofii kwa kuwa hana madhara
Ndio! ushindi wa mashabiki wengi wa Simba pale uwanja wa Benjamin Mkapa jana ni kuona Fiston Kalala Mayele hajafunga mbele ya mlinzi wao Hennock Inonga Baka
Sherehe hii inathibitisha ni kwa kiasi gani walikuwa wakimuhofia sana Mayele kutokana na makali yake katika kufunga
Lakini mashabiki hao pia wamesahau nao uwanjani walikuwa na mshambuliaji wao Christ Mugalu ambaye alishindwa kufurukuta mbele ya walinzi wa Yanga Dickson Job na Bakari Mwamnyeto
Kabla ya mchezo , mashabiki wa Simba walijinasibu kuwa wana wachezaji hatari kama Bernard Morrison, Clatous Chama, Pape Ousmane Sakho na hata Kibu Denis
Lakini baada ya dakika 90 hakuna aliyezungumza kilichowatokea wachezaji hao mbele ya bwana mdogo Kibwana Shomari
Kelele zilikuwa nyingi zaidi kuhusu Chama lakini shughuli aliyokutana nayo mbele ya kina Aucho na Bangala katika dakika 45 za kwanza, Pablo hakumrejesha uwanjani kwenye kipindi cha pili
Huyu Morrison mpaka akachoma bisibisi mshabiki wa Yanga baada ya mchezo, hasira za kushindwa kufurukuta mbele ya Kibwana!
Simba tayari wamefahamu hawana chao kwenye ligi msimu huu hivyo wanajaribu kujifariji kupitia kwa Mayele
