Mtanange wa watani wa jadi uliopigwa uwanja wa Benjamin Mkapa umemalizika kwa timu hizo kutoshana nguvu baada ya matokeo ya suluhu ya bila kufungana
Ulikuwa mchezo wenye ushindani kwelikweli kila timu ikionyesha kuhitaji kupata matokeo
Uhodari wa safu ya ulinzi ya Yanga na hata Simba ulifanya mchezo huo usiwe na nafasi nyingi za wazi
Fiston Mayele alipoteza nafasi adimu katika kipindi cha pili ya shuti lake kutoka nje kidogo ya lango
Denis Nkane aliyeingia kwenye kipindi cha pili kuchukua nafasi ya Jesus Moloko nae almanusura afunge bao wakati mchezo huo ukielekea mwishoni
Yanga ilihitaji kushinda mchezo huo lakini hata alama moja imekuwa na faida kubwa kwani Wananchi wanaendelea kusimama kileleni mwa msimamo wa ligi kwa tofauti ya alama 13 baada ya kufikisha alama 55
