Msemaji wa klabu ya Yanga Haji Manara amewataka mashabiki wa timu hiyo kuhakikisha wananua tiketi siku ya leo na kesho kuepuka usumbufu siku ya mchezo
Manara amesema wamekusudia kufunga zoezi la mauzo ya tiketi siku ya Ijumaa, Jumamosi ni siku ya kwenda uwanjani kuishangilia timu yao katika mchezo dhidi ya Simba kuhakikisha wanashinda mchezo huo
"Napenda niwakumbushe mashabiki wetu, tuna siku mbili tu zimebaki, hakikisheni mnanua tiketi zenu mapema. Nimepewa taarifa na Mkurugenzi wa fedha kuhusu mwenendo wa mauzo ya tiketi, 'kumechafuka' hakikisha unanunua tiketi yako mapema"
"Tungependa kuona sisi Yanga tukiwa wenyeji wa mchezo huo, tunakuwa na mashabiki wengi uwanjani, angalau katika mashabiki watatu wanaokwenda uwanjani, wawili wawe ni Yanga tena wakiwa wamevalia jezi zao"
"Tunayo ofa kwa Tsh 25,000/- utajipatia jezi ya msimu huu 2021/22 pamoja na tiketi ya mzunguuko na Tsh 15,000/- utajipatia jezi ya msimu uliopita pamoja na tiketi ya mzunguuko"
"Twendeni uwanjani kwa wingi ili tukawaunge mkono wachezaji wetu ambao wametupa jeuri ya kutamba msimu huu," alisema Manara
