Kiungo mshambuliaji wa Yanga Saido Ntibazonkiza ni miongoni mwa wachezaji wanaoingia kambini leo kuanza maandalizi ya mchezo dhidi ya SImba ambao utapigwa Jumamosi, April 30 kwenye uwanja wa Benjamin Mkapa
Saido alikosa mchezo uliopita dhidi ya Namungo Fc kutokana na majeruhi lakini kocha mkuu wa Yanga Nasreddine Nabi amesema Saido atakuwa tayari siku ya Jumamosi
Nabi amesema anakwenda kwenye maandalizi ya mchezo dhidi ya Simba akiwa na kikosi chake kamili
"Tunaingia katika maandalizi ya mechi ya Simba tukiwa na kundi kamili la wachezaji, tulimpumzisha Job (Dickson) kutokana na alikuwa na kadi mbili za njano kama angepata kadi ingetupa shida"
Nimefurahi vile Feisal (Salum) na Aucho (Khalid) jinsi walivyorejea na kucheza kwa utimamu mzuri mchezo uliopita dhidi ya Namungo"
"Mtu aliyebaki ni Saido ambaye naamini tunapoingia kambini leo atakuwa tayari kwa mchezo huo, huyu ni mchezaji mkubwa ambaye ni muhimu kuwa naye katika mechi kubwa kama hii inayokuja," alisema Nabi
