Yanga inaweza kuwa na wakati mzuri katika michezo iliyobaki kukamilisha msimu baada ya nyota waliokuwa majeruhi kurejea kikosini
Hii ni habari njema kwa mashabiki wa Yanga ambao katika kipindi cha miezi miwili iliyopita, kikosi chao kilikabiliwa na wimbi kubwa la majeruhi
Mpaka sasa hakuna mchezaji ambaye yuko nje baada ya nyota wote kurejea kikosini
Mshambuliaji Yacouba Songne ambaye alikuwa nje kwa muda mrefu jana alijumuika na wenzake kwa mara ya kwanza katika mazoezi ya timu
Feisal Salum, Khalid Aucho na Chico Ushindi nao wameanza mazoezi baada ya kuwa nje kwa wiki kadhaa
Wakati Chrispine Ngushi, Kibwana Shomari, Abdallah Shaibu na Jesus Moloko walianza kurejeshwa kikosini taratibu, sasa wako timamu kwa asilimia 100
Kocha Nsareddine Nabi atakuwa na kikosi chake kamili katika michezo ya ligi inayofuata dhidi ya Namungo Fc na Simba
