Kocha Msaidizi wa Yanga Cedric Kaze amewapongeza wachezaji kwa kufanikiwa kutinga nusu fainali ya michuano ya kombe la FA baada ya ushindi wa mikwaju ya penati 7-6 dhidi ya Geita Gold
Ni baada ya dakika 90 za mchezo wa robo fainali kumalizika matokeo ya sare ya bao 1-1
Kaze amesema Geita Gold ni moja ya timu bora msimu huu hivyo walifahamu mchezo ungekuwa mgumu
"Nawapongeza Geita Gold walikuwa na nidhamu katika kujilinda na waliweza kutufunga kupitia shambulizi la kushitukiza. Tumecheza mechi siku tatu zilizopita hivyo tulitarajiwa wachezaji wetu bado watakuwa na uchovu leo"
"Ari na kutokata tamaa hata tulipofungwa mchezo ukielekea mwishoni tuliweza kusawazisha na bahati imekuwa upande wetu kupata ushindi huo," alisema Kaze
Kwa hakika haukuwa mchezo mwepesi, lakini muhimu zaidi ni kuwa Wananchi wamefanikisha malengo ya kutinga nusu fainali
Sasa wanamsubiri mshindi wa mchezo wa robo fainali kati ya Simba dhidi ya Pamba Fc
