Afisa Habari wa Yanga Hassan Bumbuli amewataka mashabiki wa timu hiyo kujitokeza kwa wingi keshokutwa Jumatano kuishangilia timu yao katika mchezo wa kirafiki dhidi ya Mafunzo Fc ambao utapigwa uwanja wa Azam Complex
Bumbuli amesema wanatumia mchezo huo kama sehemu ya maandalizi kuelekea mchezo dhidi ya Azam Fc mbao utapigwa April 06 katika uwanja huo
"Jumatano tunacheza na Mafunzo Fc inayoshika nafasi ya pili ligi kuu ya Zanzibar, ni timu nzuri, hakuna shaka watatupa ushindani mzuri. Mashabiki waje kwa wingi siku hiyo kwani pamoja na kuja kushuhudia burudani ya timu yao lakini tutatumia mchezo huo kujipanga kuelekea mchezo dhidi ya Azam Fc ambao utapigwa hapohapo Azam Complex"
"Shamrashamra tunazianza Jumatano hii kwa kujaza uwanja halafu siku ya mchezo dhidi ya Azam FC tutawaachia nafasi za mashabki 300," alitamba Bumbuli
Yanga ilirejea kambini Avic Town tangu Jumatano iliyopita wakijiandaa na mchezo huo
