Ng'ombe wa Mayele katua Dar

Kule katika mashamba ya miwa Turiani mkoani Morogoro, mshambuliaji Fiston Mayele alipewa zawadi ya ng'ombe baada ya kupachika bao kwenye mchezo wa ligi kuu dhidi ya Mtibwa Sugar ambao Yanga ilipata ushindi wa mabao 2-0

Zawadi kutoka kwa mfugaji mwenye asili ya umasaini, Mauya Kanduru ambaye amevutiwa na kazi nzuri ya kufunga mabao inayofanywa na Mayele msimu huu

Leo ng'ombe huyo amewasili jijini Dar es salaam, Mayele akikabidhiwa rasmi pale Jangwani

Bado kuna ng'ombe mwingine kutoka mkoani Shinyanga Mayela anasubiri kukabidhiwa ikiwa ni zawadi kutoka kwa Wanachama wa Yanga, Kahama

Ni baada ya kuwatungua Geita Gold katika ushindi wa bao 1-0 ambao Yanga waliupata mkoani Mwanza March 06