Vinara wa ligi kuu ya NBC Yanga jana walianza vyema duru ya pili wakishinda mabao 3-0 dhidi ya Kagera Sugar katika mchezo uliopigwa uwanja wa Benjamin Mkapa
Ni ushindi uliowakita kileleni mwa msimamo wa ligi kwa tofauti ya alama 11 dhidi ya watani zao Simba wanaoshika nafasi ya pili wakisubiri kucheza mchezo wao wa kiporo dhidi ya Biashara United March 03
Yanga itaendeleza msako wa ubingwa March 06 ambapo Wananchi watasafiri jijini Mwanza kuifuata Geita Gold kwa ajili ya mchezo wa raundi ya 17
Mchezo huo umehamishiwa uwanja wa CCM Kirumba, Geita Gold wakiwa wenyeji
Yanga na Geita wana dakika 180 za kuonyeshana umwamba kwani April 13 watakutana tena kwenye mchezo wa robo fainali kombe la Shirikisho la Azam (ASFC) ambao utapigwa uwanja wa Benjamin Mkapa
