Kikosi cha Yanga leo kinaendelea na msako wa ubingwa wa ligi kuu msimu huu wakiwakaribisha Kagera Sugar katika mchezo utakaopigwa uwanja wa Benjamin Mkapa, saa moja usiku
Baada ya kumaliza kibabe duru ya kwanza bila kupoteza mchezo, Yanga imedhamiria kuendeleza ubabe huo katika duru ya pili wakianza na Kagera Sugar leo
Hata hivyo hautakuwa mchezo mwepesi kwani Kagera Sugar imeimarika sana ikiwa na mwenendo mzuri katika mechi za hivi karibuni
Kama Yanga itafanikiwa kuibuka na ushindi, itazidi kujiimarisha kileleni mwa msimamo wa ligi kwa tofauti ya alama 11 dhidi ya watani zao Simba ambao watashuka uwanjani March 03 kuikabili Biashara United
Katika mchezo wa leo Yanga itamkosa kiungo Feisal Salum 'Fei Toto' ambaye ana kadi tatu za njano
Pia wataendelea kumkosa mlinzi Dickson Job ambaye leo anamaliza adhabu yake ya kufungiwa michezo mitatu
Kwa upande wa majeruhi, Jesus Moloko, Kibwana Shomari, Chrispine Ngushi, Yacouba Songne, Abdallah Shaibu na David Bryson wanaendelea kukosekana
Yassin Mustafa na Chico Ushindi wameimarika na pengine leo wanaweza kuwa sehemu ya kikosi kitakachoikabili Kagera Sugar
