Meneja wa Yanga Hafidh Saleh amesema wako tayari kwa mchezo wa ligi kuu dhidi ya Mtibwa Sugar ambao utapigwa kesho Jumatano kwenye uwanja wa Manungu
Yanga iliwasili mkoani Morogoro jana usiku na leo inatarajiwa kukamilisha maandalizi ya mwisho ambapo kesho asubuhi wataelekea wilayani Turiani lilipo dimba la Manungu complex linalomilikiwa na Mtibwa Sugar
Hafidh amesema wachezaji wote waliosafiri nao wako tayari kwa mchezo huo unaotarajiwa kuwa na upinzani mkali
"Tunamshukuru Mwenye ez Mungu, tumewasili salama Morogoro, tayari kwa mchezo wetu dhidi ya Mtibwa Sugar"
"Tumekuja kuzisaka alama tatu, tunajua mchezo hautakuwa mwepesi, Mtibwa Sugar ni timu kubwa na wamekuwa na matokeo mazuri wanapocheza kwenye uwanja wao wa nyumbani," alisema Hafidh
Hafidh amewataja Jesus Moloko, Chrispine Ngushi na David Bryson kuwa ni majeruhi na hawakuwa sehemu ya kikosi kilichosafiri
Amesema wachezaji wengine wote wamesafiri na timu kwa ajili ya mchezo huo
