Yacouba aongezewa siku 45 za kuimarika

Mshambuliaji Yacouba Songne amepona majeraha na ameanza mazoezi baada ya kuwa nje kwa takribani miezi mitatu

Hata hivyo mshambuliaji huyo bado hajaonekana kikosini katika mechi licha ya kuonekana mazoezini

Daktari wa viungo wa Yanga Youssef Ammar amesema Yacouba anahitaji kuimarika zaidi kiafya kabla ya kuanza kucheza mpira

Amesema Yacouba alifanyiwa upasuaji mkubwa wa goti, amepewa program maalum ya mazoezi atakayofanya kwa siku 45

Aina ya mazoezi ambayo anafanya sasa ni kukimbia mbio fupi na ndefu pamoja na mazoezi ya Gym ili kuimarisha mwili hasa mguu wake wa kulia