Ukiangalia sababu zilizotolewa na GSM kufikia uamuzi wa kusitisha mkataba wa udhamini wa ligi kuu ya NBC, asilimia 99 zimechangiwa na ukaidi wa Simba katika kutekeleza makubaliano ya mkataba huo
Umefika wakati sasa wenye dhamana ya usimamizi wa soka wajitafakari kama wanastahili kuendelea kushikilia nafasi walizonazo
Klabu moja inawezaji kuamua hatma ya timu nyingine 15? Yani kwa sababu wao hawaukubali mkataba basi na wengine wasiukubali?
Timu 15 zilizokuwa zimeanza kutekeleza makubaliano ya mkataba zinakosa pesa kwa ajili tu TFF imeshindwa kusimamia makubaliano baina yake na mdhamini
SABABU ZILIZOPELEKEA GSM KUVUNJA MKATABA
1. Mechi zote za nyumbani zinazoihusisha Simba zimekuwa zikichezwa bila ya nembo ya GSM kwenye mbao za matangazo hii ni kunyume na kifungu namba 4.1 na 4.8 cha makubaliano ya udhamini
2. GSM kwa makusudi imenyimwa haki ya kuonekana kwenye bango la mandhari la wadhamini kwa mikutano yote inayohusisha Simba hii ni kinyume na kifungu namba 4.8 cha makubaliano ya mkataba
3. GSM kwa makusudi imenyimwa haki ya kuonekana kwenye mabango ya mikutano ya kabla na baada ya mechi mwenye mechi zinazoihusisha Simba
4. GSM kwa makusudi imenyimwa haki ya kuonekana kwenye bega la kushoto la jezi za Simba
5. TFF wameshindwa kujibu juu ya malalamiko yetu na kushindwa kurekebisha ukiukwaji wa makubaliano kama tulivyowasilisha taarifa ya ukiukwaji tarehe 14 Desemba 2021
6. TFF imeshindwa kutimiza kanuni zake juu wadhamini
7. Nembo za GSM na Chapa yake zimekuwa haziheshimiwi na maafisa wa TFF mara kwa mara
8. TFF imeshindwa kuweka usawa kwenye mechi za ligi kuu
