Kocha Mkuu wa Yanga Nasreddine Nabi ameeleza kuridhishwa na viwango vilivyoonyeshwa na nyota wapya, beki Ibrahim Bacca na mshambuliaji Chico Ushindi ambao walifunga usajili wa Yanga katika dirisha dogo
Nabi amesema wachezaji hao wameonyesha viwango vizuri licha ya kuwa bado hawako katika utimamu anaotaka
"Bacca ni mchezaji mzuri tuliyemsajili kutoka Zanzibar na Chico Ushindi amejiunga nasi akitoka TP Mazembe"
"Hawa ni wachezaji wazuri na wameonyesha uwezo wao. Bado hawako katika utimamu tunaotaka, watakapokuwa tayari wataongeza kitu katika timu yetu," alisema Nabi
Katika hatua nyingine Nabi amesema wataendelea kujipanga kuhakikisha wanashinda mechi zao ili kuweza kutimiza malengo
Pamoja na Yanga kuongoza ligi kwa tofauti ya alama 10, Nabi amesema hiyo sio muhimu sana kwao, wanaangalia mbele kuhakikisha wanaendelea kushinda mechi zijazo
Yanga imerejea jijini Dar es salaam leo wakitokea Arusha ambapo jana walifanikiwa kuondoka na ushindi muhimu wa bao 1-0 dhidi ya Polisi Tanzania
Yanga inajiandaa na mchezo wa kombe la FA dhidi ya Mbao Fc utakaopigwa Jumamosi, Januari 29 2022
