Yanga imewachakaza vinara wa ligi kuu ya Daraja la pili Mbuni Fc mabao 2-0 katika mchezo wa kirafiki uliopigwa uwanja wa Sheikh Amri Abeid mkoani Arusha
Mabao yote ya Yanga yalifungwa na Mukoko Tonombe 'Teacher' kupitia mikwaju ya penati
Penati ya kwanza alifunga kwenye dakika ya 56 baada ya mlinzi wa Mbuni Fc kuunawa mpira ndani ya eneo la hatari
Penati ya pili alifunga kwenye dakika ya 80 baada ya winga mpya aliyetua juzi kutoka TP Mazembe, Chico Ushindi kuangushwa ndani ya eneo la hatari
Ulikuwa ni mchezo ambao kwa upande mwingine mazoezi kwa wachezaji wa Yanga wanaojiandaa na mchezo wa ligi kuu dhidi ya Polisi Tanzania ambao utapigwa uwanja wa Ushirika, Jumapili
Leo mashabiki wa Yanga wamemshuhudia mlinzi mpya wa timu Bacca aliyeng'ara kwenye safu ya ulinzi akianza sambamba na Mukoko
Crispine Ngushi ndiye aliyesababisha mkwaju wa kwanza wa penati huku Sure Boy, Zawadi Mauya na Mapinduzi Balama wakitakata kwenye eneo la kiungo
Balama ameendelea kuimarika baada ya kuwa nje kwa zaidi ya mwaka mmoja
Ushindi ameanza vyema maisha yake na Yanga kwani mchezo wake wa kwanza ameonyesha ni mchezaji hatari akisababisha mkwaju wa penati pia
Mbuni Fc walimaliza mchezo huo wakiwa pungufu baada ya mlinzi wao kumkanyanga mgongoni David Bryson na kutokewa nje kwa kadi nyekundu
Bryson alishindwa kuendelea na mchezo huo ambapo nafasi yake ilichukuliwa na Ngushi
