Mpaka sasa Yanga imeweka rekodi ya kupata ushindi kwa asilimia 100% katika michezo yake ya nyumbani iliyopigwa uwanja wa Benjamin Mkapa kwenye ligi kuu ya NBC
Geita Gold, Ruvu Shooting, Azam Fc na Biashara United zote zimekumbana na kipigo kutoka kwa Wananchi hapo 'Lupaso'
Ijumaa Yanga itafunga mwaka 2021 kwa mchezo dhidi ya Dodoma Jiji mchezo utakaopigwa kuanzia saa moja usiku
Wananchi wamedhamiria kufunga mwaka kwa ushindi kabla ya safari yao kuelekea visiwani Zanzibar ambapo watakuwa na kazi ya kutetea taji la Mapinduzi waliloshinda msimu uliopita
Utakuwa mchezo mgumu wenye ushindani kwani Dodoma Jiji nao wamejipambanua kwa kuwa na kikosi bora msimu huu
Hata hivyo ili uweze kuwa bingwa unapaswa kushinda mechi ngumu, kazi ambayo Yanga mpaka sasa wanaifanya kwa mafanikio
Katika michezo 10, wameshinda nane na kutoka sare michezo miwili, alama 26 juu kileleni mwa msimamo wa ligi
