Sijambo, naendelea vyema - Yacouba

Mshambuliaji wa Yanga Yacouba Songne amesema yuko salama kiafya akiendelea na matibabu ya jeraha la goti baada ya kufanyiwa upasuaji

Yacouba alipata majeraha ambayo yatamuweka nje kwa muda mrefu, ameshukuru kwa wote wanaomtakia kheri aweze kupone na kurejea uwanjani haraka

"Mimi sijambo, nawashukuru wote wanaonitia moyo, naendelea vyema na matibabu," Yacouba alisema

Juzi Jumamosi Yacouba alikosa mchezo wa kwanza wa dabi tangu aliposajiliwa na Yanga, mashabiki wengi wakiamini kama angekuwepo, hali ingekuwa ngumu zaidi kwa Simba

Katika michezo mitano aliyocheza msimu huu, Yacouba ametoa assisti mbili