Kiungo fundi wa Yanga Feisal Salum 'Fei Toto' amesema leo ni siku muhimu kuwapa furaha mashabiki wao katika mchezo wa ligi kuu dhidi ya watani zao Simba utakaopigwa uwanja wa Benjamin Mkapa kuanzia saa 11 jioni
Feisal amesema kwa wao wachezaji ni heshima kubwa kwao kushiriki mchezo huu na wako tayari kupambana wakiwa na malengo ya kushinda mchezo huo ili kuwapa furaha mashabiki wao
Fei Toto aliyefunga mabao matatu na kutoa pasi mbili za mabao msimu huu, amewataka mashabiki wa Yanga waitokeze kwa wingi uwanja wa Benjamin Mkapa kuwapa sapoti
"Siku zote ni furaha na heshima kucheza derby, ni mchezo muhimu kwetu na tupo tayari kupambana lengo likiwa ni moja, kuwapa furaha wananchi, mungu atuwezeshe hilo, Amin"
"Wingi wenu na sapoti uwanjani ni muhimu mjae kwa wingi sana...!," alisema Feisal
