Kocha Mkuu wa Yanga Nasreddine Nabi leo anakwenda kuwaongoza wananchi katika mchezo wa nne dhidi ya Simba
Nabi aliyetua Yanga mwezi April, katika michezo mitatu iliyopita dhidi ya Simba, ameshinda michezo miwili, na kupoteza mchezo mmoja
Ushindi wake wa kwanza dhidi ya Simba ilikuwa Julai 03 katika mchezo wa ligi kuu msimu uliopita, Wananchi wakiondoka na ushindi wa bao 1-0
Akapoteza mchezo wa pili uliokuwa wa fainali kombe la Shirikisho la Azam (ASFC) mkoani Kigoma
Kuelekea msimu huu, Nabi akashinda mchezo wa Ngao ya Jamii ambao ulipigwa Septemba 25
Nabi tayari anaifahamu presha ya dabi hivyo kwake mchezo wa leo anajua ni vipi apange kikosi chake kuhakikisha anaibuka na ushindi
Tayari anacho kikosi cha kwanza, mabadiliko ya lazima ni kwa nafasi ya Yacouba Songne ambaye ni majeruhi
Mkongwe Saido Ntibazonkiza ametumika katika michezo miwili iliyopita na akafanikiwa kufunga mabao mawili
Leo Ntibazonkiza anatarajiwa kuanza huku Farid Mussa na Deus Kaseke wakiwa tayari kama Nabi atawahitaji
Ni mchezo ambao presha itakuwa kubwa zaidi kwa kocha wa Simba Pablo Franco ambaye ni mchezo wa kwanza wa dabi kwake
Kwa Nabi leo ni siku nyingine kwake kudhihirisha ubora wake kimbinu
