Yanga kuanza maandalizi ya msimu mpya Jumanne

Kikosi cha Yanga kinatarajiwa kuanza maandalizi ya msimu mpya wa VPL kesho Jumanne ikiwa pia ni maandalizi ya mchezo wa ngao ya jamii dhidi ya Simba, Agosti 19 mwaka huu.

Aidha kulingana na taarifa iliyotolewa mchana wa leo Jumatatu na Meneja wa Yanga, Hafidh Saleh timu ilitakiwa kuanza mazoezi leo lakini baadhi ya wachezaji wamechelewa kurejea kutoka mapumziko.

Pia kocha George Lwandamina amesisitiza ni lazima kila mchezaji afanyiwe vipimo vya afya kabla ya kuanza program za mazoezi.

Ametoa muda kwa wachezaji waliochelewa kufanyiwa vipimo kabla ya kuanza program hizo kesho.