Nahodha Bakari Nondo Mwamnyeto msimu huu amekuwa mchezaji muhimu sana Yanga inapojenga mashambulizi kutokea nyuma
Katika mabao 12 ambayo Yanga imefunga msimu huu, Mwamnyeto amehusika katika mabao matatu
Alitoa pasi muhimu kwa Feisal Salum iliyowezesha kupatikana bao la pili katika mchezo dhidi ya Azam Fc, akafanya hivyo tena katika mchezo dhidi ya Ruvu Shooting akimuwekea pasi mpenyezo Farid Mussa
Akarudia tena wiki iliyopita katika mchezo dhidi ya Mbeya Kwanza ambapo mpira uliozaa bao la pili ilianzia kwake
Msimu uliopita tulimshuhudia Mwamnyeto tofauti, alikuwa akifunga mabao kwani aliamaliza msimu akiwa na mabao matatu
Hawa ndio aina ya Walinzi ambao kocha Nasreddine Nabi anawahitaji katika kikosi chake
Jukumu la beki sio kuzuia tu bali pia kutengeneza mashambulizi na Mwamnyeto amekuwa akitumika zaidi kutokana na uwezo wake mkubwa wa kupiga pasi
Yanga hii ya Nabi usijidanganye kama unaweza kudhibiti mchezaji mmoja mmoja kwani kuna wachezaji wengi ambao wanaweza kutengeneza nafasi na hata kufunga
