Kikosi cha Yanga kimeingia kambini jana kuanza maandalizi ya mchezo wa ligi kuu dhidi ya Mbeya Kwanza ambao utapigwa Novemba 30 katika uwanja wa Sokoine, Mbeya
Ni mchezo mwingine mgumu kwa Yanga, lakini muhimu sana kwa Wananchi kushinda hasa baada ya kulazimishwa sare ya bao 1-1 dhidi ya Namungo Fc katika mchezo uliopita
Mechi zote ambazo Yanga hucheza mkoani Mbeya huwa si nyepesi, moja ya mikoa migumu sana kwa Yanga kuondoka na alama tatu
Msimu uliopita Wananchi walilazimishwa sare ya bao 1-1 dhidi ya Mbeya City, mchezo ukigubikwa na matukio mengi yaliyopeleka lawama kwa waamuzi
Baada ya mazoezi ya jana jioni yaliyofanyika Avic Town, wachezaji waliingia kambini moja kwa moja kujiwinda na mchezo huo
Kocha Mkuu wa Yanga Nasreddine Nabi amesema wana muda wa kutosha kujiandaa na watafanyia kazi mapungufu yaliyojitokeza katika mchezo uliopita
Katika mchezo dhidi ya Namungo, Nabi alitupia lawama uwanja wa Ilulu lakini sasa amesema anawaandaa vijana wake kupata matokeo katika uwanja wowote na kuwa wanapaswa kubadilika kimbinu kulingana na changamoto wanazkutana nazo
