Aucho arejea, awaziba midomo 'wazushi'

Kiungo fundi wa Yanga Khalid Aucho amerejea nchini leo kuendelea na majukumu yake ndani ya kikosi cha Yanga baada ya kupona majeraha

Aucho alipata majeraha akiwa na timu ya Taifa ya Uganda kwenye mchezo wa kuwania kufuzu kombe la Dunia dhidi ya Mali

Kutoonekana kwake kikosini kwa wiki kadhaa kuliwapa nafasi 'wazushi' kusambaza taarifa za uongo kuhusu kiungo huyo fundi haswa wa kulisakata gozi la n'gombe

Aucho amewahakikishia Wananchi kuwa hana tatizo lolote na Yanga kilichokuwa kimemuweka nje ni majeraha aliyokuwa amepata

"Sina Tatizo na Yanga Sc. siendi popote, nina mkataba na Yanga nafurahia maisha yangu hapa,” alisema Aucho

Aucho alisaini mkataba wa miaka miwili kuitumikia Yanga hivyo bada ana muda mrefu kuendelea kuwatumikia Wananchi