Nabi alia na uwanja wa Ilulu

Kocha Mkuu wa Yanga Nasreddine Nabi pamoja na kuwapongeza Namungo Fc kwa mchezo mzuri leo, Nabi amelalamika kuwa uwanja wa Ilulu ulikuwa tatizo kwa wachezaji wake

Akizungumza baada ya mchezo huo uliomalizika kwa sare ya bao 1-1, Nabi alisema Namungo Fc waliwapa upinzani mkali lakini uwanja nao uliwakwamisha

"Sisemi kama tumeshindwa kupata ushindi kwa sababu ya ubovu wa uwanja, lakini hatukuweza kuwa bora katika mchezo wetu kwani haikuwa rahisi kwa wachezaji wangu kupiga pasi"

"Nawapongeza Namungo walijipanga, wamepambana, sisi tunarudi kufanyia kazi mapungufu yaliyojitokeza ili tuwe bora zaidi katika mchezo unaofuata," alisema Nabi

Baada ya mchezo huo, mchezo unaofuata ni dhidi ya Mbeya Kwanza na utapigwa kwenye uwanja wa Sokoine Novemba 30