Jana katika mchezo wa kirafiki dhidi ya JKU uliopigwa uwanja wa Benjamin Mkapa na Yanga kuibuka na ushindi wa bao 1-0, mlinzi wa kushoto David Bryson alionyesha kiwango bora sana
Bryson alionyesha umahiri wake wakati timu inaposhambulia. Yanga ilitengeneza mashambulizi mengi kupitia upande wake
Alipiga krosi, mipira ya adhabu na hata kujaribu mashuti ya mbali pale alipopata nafasi
Huyu ni mlinzi wa kushoto ambaye msimu uliopita akiwa na KMC alifunga mabao matano, ni mchezaji mwenye uthubutu
Katika mchezo wake wa kwanza, Bryson ameonyesha tofauti kubwa na pengine kama ataendelea katika ubora huu, anaweza kuwa chaguo la kwanza kwenye safu ya ulinzi upande wa kushoto
Bryson atampa mtihani Nasreddine Nabi kama aendelee kumtumia Kibwana Shomari upande wa kushoto au amtumie Bryson ambaye yeye ni sahihi zaidi kwa sababu anatumia mguu wa kushoto
Kuimarika kwa wachezaji na ushindani uliopo ni faida kwa timu kwani ushindani unaongeza uimara wa kikosi
Pale inapotokea hakuna mchezaji mwenye uhakika wa namba, anapopewa nafasi anajituma zaidi
