Kaimu Mtendaji Mkuu wa Yanga Senzo Mazingisa amesema Kocha Mkuu wa timu hiyo Nasreddine Nabi atatumia kipindi hiki ambacho ligi imesimama kuboresha maeneo yenye changamoto ili ligi itakaporejea kuhakikisha wanafanya vizuri zaidi
Senzo amesema timu imeanza vyema msimu kwa kushinda michezo yote miwili ya kwanza, hata hivyo bado wengi hawajaridhishwa na ushindi mwembamba wanaopata
"Nafikiri jambo kubwa la kwanza ni kupata alama tatu kisha mengine yanafuatia. Nafurahi tumeweza kulifanikisha hilo, lakini tunahitaji kuongeza idadi ya mabao"
"Kocha pia ameliona hilo na litafanyiwa kazi katika kipindi hiki ambacho ligi imesimama"
"Timu inaenda Arusha tunaendelea na kambi kama kawaida, huko kocha atafanya marekebisho ya makosa madogo madogo kama hayo hasa safu ya umaliziaji
"Nafurahi kuona morali ya wachezaji ipo juu, nafikiri tutakuwa na msimu mzuri sana," alisema Senzo
