Bryson arejea kikosini Yanga

Mlinzi wa kushoto wa Yanga David Bryson ameanza mazoezi ya timu baada ya kupona majeraha

Bryson anaweza kuwa sehemu ya kikosi kitakachoikabili Simba kwenye mchezo Ngao ya Jamii ambao utapigwa uwanja wa Benjamin Mkapa, Jumamosi Septemba 25

Bryson alisajiliwa na Yanga katika dirisha la usajili lililopita akitokea klabu ya KMC

Hata hivyo bado Wananchi hawajamshuhudia dimbani na klabu yake mpya kutokana na majeraha yaliyokuwa yakimkabili

Afisa Habari wa Yanga Hassan Bumbuli amethibitisha kuwa Bryson na Mapinduzi Balama wamepona na wanaweza kuwa sehemu ya mchezo Jumamosi